U3F1ZWV6ZTQ2NDA0NTU1MDQxX0FjdGl2YXRpb241MjU2OTk1ODMyNDQ=
recent
أخبار ساخنة

اضرار السكر المرتفع على الكلى


الكلى السكرية 

..ما هى الكلى السكرية ..

كيف يتسبب السكر المرتفع فى ضرر الكلى 


لما مريض السكر يروح للطبيب 👨🏼‍⚕ فيقولة سكرك عالى 📈
و لازم تعمل ريجيم و تمارس رياضة 🏋🏻 و تلتزم بالأدوية سواء كانت #أنسولين 💉 أو أقراص 💊 أو الأتنين مع بعض 
المريض فى حالات كتير بينسى النصايح دى أول ما بيخرج من باب العيادة 
وبيعتقد إن دى حسوكة دكاترة 🤔👨🏼‍⚕ 
و إن المسألة بسيطة بس الدكتور هو اللى حنبلى حبتين !!
لا يا سيدى الفاضل , المسألة مش بسيطة , ولا هى حسوكة دكاترة, 

كل ما هنالك 💁🏻 إن الهدف من ضبط سكر الدم 🌡 مش ضبط السكر فى حد ذاته 
الحكومة مش عاملة غرامات على ارتفاعه يعنى !! 🤷🏻

الهدف هو 👈 #منع_مضاعفات_إرتفاع_السكر على أجهزة الجسم المختلفة 
لأن السكر المرتفع اللى طول الوقت واخد راحته 🔝⬆
و فى أحسن الظروف لما العيان يتباهى بأنه مظبوط تلاقيه بتاع 300 و لا 350 كده 
ف دة بيسبب تلف خلايا أعضاء الجسم المختلفة 🤦🏻
ف يسبب مشاكل ملهاش أول من آخر فى كل حتة 

و أشهر مشاكل إرتفاع السكر 👇
( #إعتلال_الكلى_السكرى أو #الكلى_السكرية )

#الكلى_السكرية 👈 منتشرة بين مرضى السكر بنسبة حوالى 40 % من المرضى بنوعى السكر الأول والثانى !!
و للأسف حوالى 95% من مرضى #إعتلال_الكلى_السكرى دول بيوصلوا للفشل الكلوى الكامل خلال 10 سنوات من إعتلال الكلى !!

#إعتلال_الكلى_السكرى أهم مشكلاته 👈 إنه بيتمسكن لحد ما يتمكن 
يعنى فى بدايته ميديش أى أعراض 🤷🏻
غير أن العيان يشتكى من حجات بسيطة ممكن يتم إرجاعها لأى سبب تانى 
زى إن رجليه 👣 بتورم خاصة لو وقف أو قعد لفترة 
بيدخل الحمام كتير 🚾 أو مش مركز  و ضغطه عالى شوية 📈 مقريف و طبيعة نومه متغيرة 🔀 😴
كل دى حاجات العيان بيرجعها عادة للسكر نفسه أو للأرهاق أو الضغط العصبى أو زيادة الوزن 
مبيخطرش فى باله إنها ممكن تكون بداية إن #وظايف_الكلى إبتدت تبوظ 

مع إن لو العيان لحق نفسه و راح لطبيب👨🏼‍⚕ فى المرحلة دى ممكن يتم السيطرة على المشكلة و يبقى زى الفل .
بعد كده ◀بيظهر عرض العيان بيفرح بيه قوى 
مع أنه مصيبة 😱 
و هو إن العيان يلاقى إنه فجأة 😳 سكره إتظبط 👍 
لوحده كده منه لنفسه 
يعنى العيان يلاقى إن برشام السكر 💊 ولا #جرعة_الأنسولين 💉 
اللى مكانتش نافعة قبل كده فى تنزيل السكر , دلوقتى بقى لما بياخدها سكره بينخفض جداا و يحتاج ياكل سكر أو يعلق #جلوكوز ⚗

للأسف برضه نسبة كبيرة من المرضى مبيفكروش يروحوا لطبيب يفهمهم ده حصل ليه 🤷🏻
هما بيكتفوا بوقف أدوية السكر 💊 والأعلان لأصاحبهم و قرايبهم 👨‍👩‍👧‍👦 
إنهم شفوا من السكر بسبب الأعشاب الفلانية 🌿 ولا الوصفة العلانية 
حاكم الحكاية دى بيحصل بيها نصب كتير جداااا 💁🏻

طبعا العيان مبيكونش شفى ولا حاجة 🤷🏻
إنما الحكاية إن الكليتين عنده جلدتهم سابت 
وبقوا بياخدوا اى حاجة فى الدم 🌡يرموها بره 🙄
ف بيرموا سكر الدم بره بالمرة 😱 
ف فجأة المريض اللى كان سكره 400 بالدوا , يبقى بيدخل فى كومة نقص سكر من غير دوا !! 🤦🏻

بعد كده الكلى تفصل شحن خااالص 🙆🏻
و تنقطع عن العمل تماما ❌ وتلاقى فجأة برضه 😳
السكر بقى عالى تاانى و مش لوحده ☝ لاء 
دا معاه كل سموم الجسم ☠️ من 👈 #يوريا و #كرياتينين و #صديوم وخلافه .

ف الضغط يعلى 📈 و الجسم يورم و يحصل إستسقاء فى كل حتى حتى تجويف الصدر 
و بتوصل ببعض المرضى إن المريض يبقى شبه الساعة الرملية ⏳ 
كل ما ينام على جنب من جسمه يصحى يلاقيه واااارم 🛌🏼
و العيان يدوخ 😵 و يرجع 🤢 و نفسه تتسد عن الأكل و ميقدرش يقوم من السرير .
ويتم إعلان إصابة المريض ده ب #الفشل_الكلوى 🤦🏻
و يبقى ملوش إلا #غسيل_الكلى أو #زرع_الكلى !!

ف يا إخوانى من مرضى السكر , أرجوكم 🙋🏻 
نظموا سكركم لمصلحتكم 📊 
نظموه و لو كان حتى تنظيمه يستوجب إنكم متاكلوش إلا سلطة خضرا 🥗 و فراخ مسلوقة 🍗 بقية عمركم 
المحمر والمشمر والمحلى والمسكر مش هينفعكم لما تقضوا بقية عمركم  ☝
بتعملولكم جلستين غسيل كلوى ولا تلاتة أسبوعيا !!

نظبط وزننا لأن #مريض_السكر مينفعش , مينفعش ,مينفعش يبقى وزنه زايد ☝🚫
=> زيادة وزنه هتزود مشاكله عموووما مع السكر .
نمارس رياضة يومية ⛹🏻🏋🏻 فيه مرضى سكر ممكن يتعالجوا بالريجيم والرياضة من غير #أدوية !!

كمان الرياضة هتحسن الدورة الدموية 🔄 اللى واصلة لكل جزء من الجسم  و اللى بيبوظها السكر !!
لما نلاحظ أى عرض غريب أيا كانت بساطته 
إنشالله إن ضافر صباع رجلك الشمال لونه غير ضافر صباع رجلك اليمين 👈 لازم تستشير طبيب 👨🏼‍⚕ 
ونعمل #تحليل_لوظايف_الكلى مرة كل سنة حتى لو مفيش أى أعراض 
علشان لو فيه مشكلة نلحقها من الأول و نوقفها عند حدها قبل ما تتطور هى و توقفلنا حياتنا على بعضها
✍️✍️✍️✍️✍️✍️✍️✍️✍️✍️✍️✍️✍️✍️ ماتنساش 
..تابعونا 
..
اضرار السكر على العين والنظر 
اضرار السكر المرتفع على باقى أعضاء الجسم 
..نرجو أن تكونو قد استقدام
..شير حتى يستفيد غيرك  👩‍🏫👩‍🏫👩‍🏫👩‍🏫

ليست هناك تعليقات
إرسال تعليق

إرسال تعليق

الاسمبريد إلكترونيرسالة


Generate Jagoandzgn