U3F1ZWV6ZTQ2NDA0NTU1MDQxX0FjdGl2YXRpb241MjU2OTk1ODMyNDQ=
recent
أخبار ساخنة

الجلطه القلبية والجلطة الدماغية



  1. الجلطة القلبية و الجلطة الدماغية


  1. شو الفرق بيناتن و شو معناتن؟
  2. كتير منسمع انو فلان اجتو جلطة و مات و كتير منشوف الناس و الكبارية بالعمر بخافو من كلمة "جلطة" يلي بيستخدموها لاي سبب بدون ما يعرفو شو معناتا و بيربطوها دائما بالموت و انو هي سبب الموت..

  3. كلمة جلطة قصدن فيها خثرة دموية بتمشي ضمن الدورة الدموية و ضمن الشرايين و الاوردة لحتى توصل على وعاء دموي صغير و تسكرو..

  4. الشي يلي بصير بعد ما تسكر الوعاء بيختلف باختلاف مكان هالوعاء يعني:

  5. - اذا كان الوعاء بالدماغ بمنطة مسؤولة عن السمع بيفقد الشخص سمعو و اذا كانت بمكان مسؤول عن الرؤية بيفقد الشخص بصرو و هيك بالنسبة للاماكن يلي بتسيطر عالحركة او النطق او الفهم الخ...

  6. و هالشي عكوس يعني ممكن الشفاء منو اذا تم تمييع الخثرة بسرعة قبل ما تموت خلايا الدماغ عن طريق بعض الادوية المميعة او تدخل جراحي لازالتها..
  7. اما اذا اصابت مناطق بتتحكم بالقلب و التنفس  بتسبب الموت يعني مو كل جلطة دماغية رح تسبب موت..

  8. - الجلطة القلبية او الخثرة يلي بتسد احد الشرايين المغذية للقلب (الشرايين الاكليلية) بتسبب ما يعرف طبيا ب "احتشاء عضلة قلبية" من اعراضو ألم بالصدر بينتشر للرقبة و الكتفين و خدر وتنميل بالذراع و تعرق بارد  الخ.. و كمان علاجو بسيط عن طريق بعض الادوية المميعة اذا لحق الشخص حالو عالمشفى بسرعة

  9. في بعض الحالات الخثرة بتكون صغيرة كتير سدت قسم انتهائي بالشرايين القلبية بتغذي منطقة صغيرة من العضلة القلبية ف ما بتشكل خطورة على حياتن بس بتتعبن..

  10. كمان يعني مو كل الجلطات القلبية بتسبب الموت و عامل السرعة و الوقت كتير مهم باي نوع من الجلطات اذا لحق الشخص حالو بسرعة عالمشفى و نعملو تداخل اسعافي سليم و سريع بينفد منا بس بتضل الجلطة الدماغية اخطر لان ممكن تسبب اضرار دائمة متل الشلل..

  11.  من أهم اسباب تشكل الخثرات ارتفاع الضغط  التدخين، السكري، البدانة،  ارتفاع الكوليسترول والشحوم، قلة النشاط و التوتر النفسي.

  12. د. إياد جمال

ليست هناك تعليقات
إرسال تعليق

إرسال تعليق

الاسمبريد إلكترونيرسالة


Generate Jagoandzgn