-->
U3F1ZWV6ZTQ2NDA0NTU1MDQxX0FjdGl2YXRpb241MjU2OTk1ODMyNDQ=
recent
أخبار ساخنة

طريقة عمل الفطير الفلاحى|الفطير البلدى Agricultural pancake



"طريقة عمل الفطير الفلاحى"


الفطير الفلاحي او القرص الفلاحي بكل تفاصيلها

الطريقه..... 

هنا انا عامله ٥كيلو دقيق على كيلو ونص سمنه سايحه وياريت تكون فلاحي بتكون افضل كتير في الطعم
عاوزين ٢ونص كيلو لبن ويكون لبن بلدي وكامل الدسم بالقشطه بتاعته
وكمان علبتين زبادي كبير انا استعملت جهينه ١٧٠جرام حلوه جدا مع القرص الفلاحي
فانيليا حسب الرغبه وهنا بحط للكيلو ورقه فانيليا يعني هنا حطيت ٥
و١ كيك شيف
وكمان قطعتين في حجم مكعب الماجي خميره عجين مابحبش الفوريه في القرص العجين بتفرق في الطعم كتير
ونص معلقه ملح ص وحوالي نص كوب سكر
وحوالي ٥معالق كبار لبن بودر
وسمسم محمص حوالي ربع كيلو

##طريقه العجن

نجهز اول حاجه الخميره وبطريقتنا هنا بنرب الخميره نجهز نص كيلو لبن دافي عليه الملح وحوالي ٣معالق كبار سكر والخميره وندوبها كويس وعليهم كوب كبير دقيق ونسبها حوالي عشر دقايق تخمر وتكون في حاجه واسعه علشان هاتتضاعف
نجهز الدقيق وعليه اللبن البودر مع زره ملح والكيك شيف ونقلب كويس وماهم السمسم المحمص وننزل بالسمنه السخنه ونبس كويس جدا لحد مايكون زي الرمل المندي كده
هاتكون الخميره خمرت معانا ننزل بيها ونفتح بأيدينا في العجين ونشرب الخميره وننزل بالزبادي وندوب على اللبن السكر الباقي عندنا حوالي نص ك وننزل على العجينه ويكون اللبن دافي وعليهم الفانيليا في الاخر علشان الطعم بيكون ظاهر اوي والطعم خرافه
نبفتح بصوبعنا في العجينه ونفرد ونلم كويس فيها لحد ماتنعم معانا نسبها حوالي ١٠دقايق ترتاح وقطعها كور متساويه وندمكها اوي بأيدينا ونرصها ترتاح وترفع معانا وبعدين نبططها في سمك ١سم وتخمر معانا ونجهز
 الفرن ونحميه كويس ونخليه على ٢٠٠وندهن الوش بسمنه بلدي على خفيف ونسوي ونتابع الوش لو ماتحمرش نشغل الشعله وهنا انا بستعمل الفرن الكبير اللي عندي بستعملوا في تسويه المعجنات والخبز والفطير المشلتت والبيتزا

ليست هناك تعليقات
إرسال تعليق

إرسال تعليق

الاسمبريد إلكترونيرسالة


Generate Jagoandzgn